БИШКЕК, 12-май — Sputnik. Президент Садыр Жапаров көп балалуу энелерди "Баатыр эне" ордени жана "Эне даңкы" медалы менен сыйлоо жөнүндө жарлыктарга кол койду. Бул тууралуу өлкө башчынын маалымат кызматы билдирди.
Жарлыктар кол коюлган күндөн тартып күчүнө кирет.
Толук тизме менен КР президентинин расмий сайтынан таанышууга болот.
Энелер күнү мурдагы президент Алмазбек Атамбаевдин жарлыгы менен 2012-жылы негизделген. Бул майрам Кыргызстанда жыл сайын май айынын үчүнчү жекшембисинде белгиленет.