БИШКЕК, 29-апр. — Sputnik. Кыргыз-тажик чек арасындагы жаңжалда жаракат алгандардын саны 46 кишиге жетти. Бул тууралуу Саламаттыкты сактоо жана социалдык өнүктүрүү министрлиги кабарлады.
Жаракат алган 46 кишинин 44ү ар кандай жаракат менен Баткендин ооруканаларында жатат. Бирөө амбулатордук дарыланууда. Бир адам көз жумган.
Баткендеги кыргыз-тажик чек арасында ушу тапта абал кандай болуп жатканын Sputnik Кыргызстан агенттиги жүргүзүп жаткан тексттик баяндамадан билсеңиз болот.