БИШКЕК, 23-апр. — Sputnik. Кыргызстандык мушкер Жантөрө Ташиев бокс боюнча жаштар арасындагы дүйнө чемпионатында коло байге утту. Бул тууралуу Эл аралык бокс ассоциациясынын расмий сайтында айтылат.
Чемпионат Польшанын Кельце шаарында өттү. Маалыматка ылайык, кыргызстандык спортчу 64 килограмм салмакта таймашып, Сербия, Армения, Россия өлкөлөрүнөн келген боксчуларды уткан.
Жарым финалда ал украиналык Бозорбой Матякубовго упай айырмасында утулуп, коло медалга ээ болду.
Бул Кыргызстандын бокс тарыхында жаштар арасындагы дүйнө чемпионатынан 11 жылдан берки ээ болгон биринчи медаль.
Эскерте кетсек, 2010-жылы кыргызстандык мушкер Исламжан Далибаев Бакуда өткөн дүйнө биринчилигинде коло медаль уткан.