Элмирбектин жаштыгы, тагдыры, өксүткөн өлүмү... Акындын сүрөттө калган элеси

13:18, 20 Чын Куран 2021

Иманалиев ооруканадан көз жумган, анын кант диабети менен жабыркап жүргөнү айтылган.

Элмирбек Иманалиевдин күндөлүгүнөн. Бир келген өмүрдү майнаптуу жашагым келет...

17 Үчтүн айы 2021, 11:01

Sputnik агенттиги өнөрпоздун жаштыгын, сүйүүсүн, үй-бүлөсүн, чыгармачылык жолун баяндаган сүрөттөрдү сунуштайт.

Акын 1978-жылы 17-январда Токтогул районунун Өзгөрүш айылында жарыкка келген. 15 жашынан төкмө акындардын республикалык, эл аралык конкурстарына, фестивалдарына катышып таанылган. Казак-кыргыз журтчулугуна төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон. 2016-жылы ага КРдин эл артисти наамы берилген.

1 / 21

Элмирбек Иманалиев 1993-жылдан тарта төкмө акындардын республикалык, эл аралык конкурстарына, фестивалдарына катыша баштаган. Сүрөт 1993-1994-жылдары "Ак таңдай" сынагында тартылган.

© Фото / предоставлено Айзуурой Иманалиевой

2 / 21

20 жыл мурунку сүрөт. Алп акындардын жаш кези.

© Фото / предоставлено Айзуурой Иманалиевой

3 / 21

Элмирбек Иманалиев устаты Тууганбай Абдиев жана башка теңтуштары менен

© Фото / предоставлено Асылбеком Маратовым

4 / 21

Бул кадрда Элмирбек Иманалиев кинорежиссер, жазуучу жана коомдук ишмер Дооронбек Садырбаев жана азыркынын белгилүү төкмөсү Азамат Болгонбаев менен

© Фото / предоставлено Азаматом Болгонбаевым

5 / 21

Элмирбек Иманалиев ар тараптуу талант эле. Ал төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон.

© Фото / предоставлено Айзуурой Иманалиевой

6 / 21

Иманалиев айтылуу Токтогул акындын эң жакын үзөңгүлөш өнөгү Эшмамбет Байсейит уулунун жээн чөбөрөсү экендигин белгилей кетели

© Фото / предоставлено Айзуурой Иманалиевой

7 / 21

Акын Элмирбек Иманалив ырчы Гүлбү Ороскул кызы менен. Эки өнөрпозду чыгармачылык гана эмес, турмуштук жол дагы бириктирген.

© Фото / предоставлено Айзуурой Иманалиевой

8 / 21

Эки таланттын күлгүндөй жаш кези. Сүрөттө алар группалаштары менен.

© Фото / предоставлено Айзуурой Иманалиевой

9 / 21

Элмирбек акын Бүбүсара Бейшеналиева атындагы искусство институтун бүтүрсө, Ороскул кызы Муратаалы Күрөңкеев атындагы училищеден билим алган.

© Фото / предоставлено Айзуурой Иманалиевой

10 / 21

Өнөр адамдары Айзуура жана Сезим аттуу кыздуу болушкан. Жубайлар кийинчерээк эки ача жолго түшкөн.

© Фото / предоставлено Айзуурой Иманалиевой

11 / 21

2016-жыл. Акындын тун кызы Айзуура Иманалиева турмушка узап жаткан кез. Сүрөттө кыздан тышкары Элмирбек Иманалиев, Гүлбү Ороскул кызы жана алардын күйөө баласы Мирзат Муканов.

© Фото / предоставлено Айзуурой Иманалиевой

12 / 21

Жубайы Нурзат медицина кызматкери. Өзү өнөрдөн алыс болсо да күйөөсүнүн айтыштарын калтырбай көрүп, күйөрмандык кыларын айтканы бар.

© Фото / предоставлено Нурзат Абдрашитовой

13 / 21

Нурзат айым Элмирбек экөө башында байке-карындаш катары эле сүйлөшкөнүн, кийин билинбей жүрүп эле жакын болуп кеткенин баяндап берген

© Фото / из семейного архива Иманалиевых

14 / 21

Жубайлар үч уул, бир кыздуу болушкан

© Фото / предоставлено Нурзат Абдрашитовой

15 / 21

Элмирбек Иманалиев улуу жана кичүү муундагы шакирттери менен

© Фото / предоставлено Нурланом Темирбек уулу

16 / 21

Акын 2016-жылы маданиятка кошкон салымы үчүн КРдин эл артисти наамына ээ болгон

© Фото / из личного архива Элмирбека Иманалиева

17 / 21

Ак таңдай акын 42 жашында каза тапты. Өзү өтсө дагы өнөрү түбөлүк экени шексиз. Туугандары анын атындагы коомдук фонд негиздеген.

© Sputnik / Табылды Кадырбеков

18 / 21

Иманалиев ооруканадан көз жумган, анын кант диабети менен жабыркап жүргөнү айтылган.

© Фото / из личного архива Элмирбека Иманалиева

19 / 21

Акындын иш бөлмөсү бош калды... Сүрөттө комуздары, чапаны жана сыйлыктары.

© Фото / Нурзат Абдырашитова

20 / 21

Жубайы Нурзат Абдрашитова редакцияга берген маегинде жашоо жолдошу бардагыдай эместигин, сагынычы күч алганын айткан.

© Sputnik / Табылды Кадырбеков

21 / 21

Элмирбек Иманалиев жубайы Нурзат жана жакын досу, белгилүү акын Зайырбек Ажыматов менен. Тилекке каршы, Ажыматов Иманалиев көз жумгандан 9 күндөн кийин каза болгон.

© Фото / из семейного архива Назыма Зайырбек уулу

Жаңылыктар Коом Кыргызстан Маданият Сүрөт Мультимедиа Элмирбек Иманалиев төкмө акын чыгармачылык эскерүү Сүрөт түрмөк