БИШКЕК, 4-апр. — Sputnik. Баткендин башчысы Өмүрбек Суваналиевге мамлекеттик жарандык кызматтын 1-класстагы мамлекеттик кеңешчиси чини ыйгарылды. Бул тууралуу өкмөттүн облустагы өкүлчүлүгү кабарлады.
Сыйлыкты президент Садыр Жапаров Баткен облусуна иш сапар менен барган учурда тапшырган.
Буга чейин генерал-майор болду деген Куралдуу күчтөрдүн Башкы штабынын башчысы Эрлис Тердикбаевге да наамы Баткенде берилген. Мындан тышкары, Коопсуздук кеңешинин катчысы Рыскелди Мусаевге мамлекеттик жарандык кызматтын 2-класстагы мамлекеттик кеңешчиси чини ыйгарылган.
Ошондой эле бир катар аскер кызматкерлери башкы кол башчыдан энчилүү сааттарды жана алкыш жарыяланган баракчаларды алышкан.
Президент Жапаров кечээ, 3-апрелде, Баткен облусуна болгон иш сапарынын алкагында "Коопсуздук — 2021" жана "Калыптандыруу — 2021" аскердик машыгууларынын жабылыш аземине катышкан.