БИШКЕК, 22-мар. — Sputnik. Кыргызстандын футболдук союзу өлкөнүн жаштар (U-23) командасынын курамын жарыялады. Алар бүгүн Непалда башталуучу "Үч улуттун кубогу" мелдешине катышат.
Командага 23 жашка чыга элек футболчулар кирди.
Мелдеште Кыргызстан, Бангладеш жана Непал командалары таймашат. Турнир айлампа системасы боюнча жүрүп, тайпадагы командалар бири-бири менен ойноп чыгышат. Эки мыкты команда финалда ойнойт. Беттештердин баары Катманду шаарындагы "Дашаратх Рангасала" стадионунда өтөрү белгилүү болду.
Олимпиада оюндарына 23 жашка чейинки футболчулар катышкандыктан, бул курама команда олимпиадалык деп аталат. КФС билдиргендей, мелдешке улуттук команданы чакырышкан. Деген менен өлкөнүн футболдук уюму U-23 курамын жиберүүнү туура көргөн.
"U-23 курама команда быйыл Азия чемпионатынын тандоо оюндарына катышат. Ошондуктан биз аны сынап көрүүнү чечтик. Мындай мелдештер команданын тактикалык жана практикалык жактан даярдыгы үчүн маанилүү. Бул Олимпиада оюндарына тандоого таасирин тийгизбеген жергиликтүү турнир", — деп айылат КФСтин маалыматында.
Нурбек Жолдошев башында турган машыктыруучулар штабы мелдеште ойноочу курамды аныктады.
Дарбазачылар:
Коргоочулар:
Жарым коргоочулар:
Чабуулчулар:
КР футбол командасынын дүйнө чемпионатына тандоо оюндары жайында Японияда өтөт