Улактын териси сыйрылгыча тартышты. Бүйүр кызыткан көк бөрү финалынан 17 сүрөт

Капталдан урдурду. Көк бөрү финалында "Жети-Өгүздүн" улакчысы аттан кулады. Видео

21 Жалган Куран 2021, 12:28

Үч бөлүктөн турган негизги оюнда эки команда тең бири-бирине катуу айбат көрсөтүп 4:4 эсеби менен тең чыкты. Мындан улам жеңүүчүнү аныктоо үчүн кошумча 10 мүнөт берилди. Деген менен мында дагы эсеп саны өзгөргөн жок.

Андан соң оюндун шарты боюнча буллит дайындалды. Бирок анда кан-жанын аябай ойногон тажрыйбалуу улакчылар атаандашына жөн гана утулуп берген жок. Биринин артынан бири тай казанга улак ыргытып жатты. Акыры алтынчы улакты салганда "Достуктун" оюнчусу жаза басты. Натыйжада 6:5 менен "Ынтымак" командасы жеңүүчү аталды.

Нооруз майрамына карата уюштурлган бул мелдеш көк бөрү легендалары Болот Шер, Болот Шамшиев жана Темир Дүйшекеевдин жаркын элесине арналды.

1 / 17

"Ынтымак" менен "Достук" командалары эзелки атаандаштар. Ар мелдеш сайын финалга чыгып катуу кармашат.

2 / 17

Жекеме-жекеге чыккан аттар аябай үйрөтүлгөн. Бул сүрөттөн аргымактын жерге жата калып каршылашын сүрүп, улакчынын эңип алышына жакшы шарт түзүп берип жатканын көрүүгө болот.

3 / 17

"Ынтымак" командасынын мыкты оюнчусу Нуржан Мелисбек уулу улакты такымдап, оңдуу жолду карап турган чагы. Минген аты — "Кара Куш"

4 / 17

Улак тай казандын четине туруп калды. Бири ичине түртүп салууга, экинчи сыртка тартып чыгарууга жан үрөт жатат.

5 / 17

Экинчи тайм учурунда "Достук" күчтөнүп, Султан Русланов менен Майрамбек Рыспеков удаасы менен атаандаштарынын тай казанына улак ыргытты.

6 / 17

Оюндун биринчи бөлүгүндө "Ынтымактын" көк бөрүчүлөрү катары менен эки салым жасаган. Бирок кийинки тайымда эсеп саны 2:2 болуп теңелди.

7 / 17

"Ынтымак" командасы дагы катуу даярдык менен келгени байкалып турду.

8 / 17

Көк бөрүдө жыгылбай калуу мүмкүн эмес, Нуржан Мелисбек уулу да аттан кулап түштү.

9 / 17

Эрендердин билегинин күчү канча экени ушинтип тартышып жатканда сыналат.

10 / 17

"Достуктун" оюнчусу Бекболсун Алтынбек уулу алып келген улагын тай казанга ыргытуунун амалын издеп турат.

11 / 17

Күчтүү командалардын беттешинде көз ачып-жумганча кырдаал өзгөрүп кетиши мүмкүн.

12 / 17

Үч бөлүктөн турган негизги оюнда эки команда тең бири-бирине катуу айбат көрсөтүп 4:4 эсеби менен тең чыкты.

13 / 17

Жеңүүчүнү аныктоо үчүн кошумча 10 мүнөт берилди. Деген менен мында дагы эсеп саны өзгөргөн жок.

14 / 17

Нооруз майрамына карата уюштурлган бул мелдеш, көк бөрү легендалары Болот Шер, Болот Шамшиев жана Темир Дүйшекеевдин жаркын элесине арналды.

15 / 17

32-35 килограммдык улакты колунда ойнотуп, ыргытып жаткан "Ынтымактын" капитаны Жолдошбек Орозбаев

16 / 17

Оюндун шарты боюнча буллит дайындалды. Бирок анда кан-жанын аябай ойногон тажрыйбалуу улакчылар атаандашына жөн гана утулуп берген жок.

17 / 17

Буллиттин жыйынтыгында 6:5 менен "Ынтымак" командасы жеңүүчү аталды.