БИШКЕК, 16-мар. — Sputnik. Президент Садыр Жапаров КР жарандыгына кабыл алуу жана чыгаруу жөнүндө 11 жарлыкка кол койгонун өлкө башчынын маалымат кызматы билдирди.
Ага ылайык, жети жарлык 2 410 адамды Кыргыз Республикасынын жарандыгына кабыл алуу жөнүндө. Мында 1802си — чоң адам болсо, 608и — балдар. Алардын көпчүлүгү тарыхый мекенине кайтып келген этникалык кыргыздар, андан тышкары, тизмеде КРдин мурдагы жарандары, ошондой эле кыргызстандыктар менен никеге тургандар бар.
Дагы төрт жарлык менен 982 адам КР жарандыгынан ажыратылды. Анын 780и — чоң киши болсо, 202си — балдар.