БИШКЕК, 15-мар. — Sputnik. 17-март күнү президент Садыр Жапаров Россия лидери Владимир Путин менен видео көпүрөдө кезигишет. Кабарды КР өлкө башчысынын маалымат катчысы Галина Байтерек тастыктады.
Эки өлкөнүн лидерлери ал күнү Талас облусундагы "Жер-Үй" алтын иштетүү фабрикасын ачышат. Жапаров аталган аймакка иш сапары менен барса, Россия президенти видео аркылуу байланышка чыгат.
Видео байланыш тууралуу толук маалымат кийинчерээк берилери кошумчаланды.
Эске салсак, 2020-жылдын 6-октябрында Жер-Үй алтын кениндеги "Альянс Алтын" компаниясы белгисиз адамдар кирип барганына байланыштуу ишин токтоткон. Быйылкы жылдын башында ошол кездеги премьер-министрдин милдетин аткаруучу Артём Новиков "Алтын Альянс" компаниясынын жетекчиси менен жолугушуп, инвестор, өкмөт жана жергиликтүү тургундардын ортосундагы талаш маселелер жөнгө салынганын билдирген.
Жер-Үй — Кыргызстандагы эң ири кендердин бири. Анда 100 миң тоннага чукул алтын бар экени белгилүү.