БИШКЕК, 4-мар. — Sputnik. Бишкектин Чуйков көчөсүндө кишинин сөөгү табылды. Бул тууралуу Биринчи май райондук ички иштер башкармалыгынан билдиришти.
Маркумдун болжолдуу курагы — 35-40 жаш. Бою 175-177 сантиметр, дене түзүлүшү орточо, чачы кара түстө, ак чачтары дагы бар.
Милиция сөөктү таанууга анын туугандарын издеп жатат. Кишинин үстүндө кара күрмө, Nike эмблемасы тартылган кызыл түстөгү спорт кийими, көк кофта, кара шым жана ак байпак кийип жүргөн. Сөөктүн жанынан кара ботинка табылган.
Маркумду тааныгандар же күбөлөр болсо (0704) 10-27-02, (0554) 10-21-48, (0312) 54-32-48 номерлерине же 102 кызматына кайрыла алышат.