БИШКЕК, 23-фев. — Sputnik. Премьер-министр Улукбек Марипов Кой-Таштагы №73809 аскер бөлүгүнө барып, Ата Мекенди коргоочулар күнүнө арналган салтанаттуу тизилүүгө катышты. Бул тууралуу өкмөттүн маалымат кызматы кабарлады.
Марипов аскер жайынын техникалары жана куралдары, ошондой эле жоокерлердин жеген тамак-ашын көргөн.
"Өкмөт башчы аскер кызматкерлерин майрамы менен куттуктап, күжүрмөн даярдыктарына ийгиликтерди каалады. Ошондой эле жеке курамдын машыгуусуна шарт түзүү үчүн мультимедиалык проектор сатып алууга 100 миң сомдук сертификат берди", — деп айтылат маалыматта.
Маалыматта Улукбек Марипов 16-февралда КР Куралдуу күчтөрүнүн мөөнөттөгү аскерлеринин азык-түлүк рационунун жаңы нормасын бекитип, анда калориялуу тамактар киргизилгени белгиленет.