БИШКЕК, 21-фев. — Sputnik. АКШда асманга көтөрүлүп жаткан жүргүнчү ташуучу лайнердин кыймылдаткычы асмандан эле жалындап күйө баштаган учурдун видеосу тарады. Окуянын чоо-жайын CNN кабарлады.
Boeing 777 Гавайи штатында Денвер - Гонолулу багыты боюнча каттамды тейлеген. Пилоттор болжогон жерине жетпей, кырсыктаган аба кемесин кайрадан сапарга чыккан аэропортко кондурган.
Окуянын сүрөттөрү жана видеолору Twitter тармагына жарыяланды.
Лайнер асманда жарым сааттай учкан. Бул мезгилде анын кыймылдаткычы күйүп, анын жалындаган сыныктары Денвердин тургундарынын короосуна түшкөн. Мындай көрүнүштөн кийин эл окуяны полицияга кабарлаган. Андан эч ким жабыркаган эмес.