БИШКЕК, 19-фев. — Sputnik. Улуттук статистика комитетинин төрагасы Акылбек Султанов кызматтан бошотулуп, ордуна Самат Насирдинов келди. Бул тууралуу президенттин маалымат кызматы кабарлады.
Тиешелүү жарлыктарга мамлекет башчы Садыр Жапаров кол койгон.
Буга чейин Насирдинов "Унаа" мамлекеттик ишканасынын директорунун орун басарлыгын аркалап, 2019-жылы кызматтык иликтөөнүн жыйынтыгында катуу сөгүш алган. Мамлекеттик каттоо кызматынын комиссиясы "Унаа" ишканасынын директору Алымжан Козубаев жана анын орун басарлары Самат Насирдинов менен Усеин Касымалиев коррупциялык иштерге аралашканын айткан.
Sputnik агенттиги "Унаа" ишканасынын жетекчиси Алымжан Козубаев кол алдындагы кызматкерлерге кресло саткан деп айтылган сөздөрдөн кийин бул жаатта материал жазган.