БИШКЕК, 2-фев. — Sputnik. Жогорку Кеңештин депутаты Кубанычбек Жумалиевдин алдамчылыкка шектелип кармалган жакын туугандары 29-мартка чейин үй камагына чыгарылды. Бул тууралуу Биринчи май райондук сотунун маалымат кызматы кабарлады.
Билдирүүдө айтылгандай, шектүүлөрдү үй камагына чыгаруу боюнча баш коргоо чарасы 31-январда тандалган.
Кубанычбек Жумалиевдин жакындары соттун чечими менен үй камагына чыгарылганын буга чейин Финполдун башчысы Сыймык Жапыкеев өзүнүн Facebook баракчасына жазган.
Белгилей кестек, Жумалиевдин жакын туугандарынын үстүнөн германиялык инвестордон алдамчылык фактысы боюнча арыз түшкөн. Алар инвестордон 1 миллион долларлык жабдууну алып, 200 миң долларын берип, калганын бербей койгону айтылган.