БИШКЕК, 1-фев. — Sputnik. Ири өлчөмдө пара талап кылды деп кармалган президенттик аппараттын маалыматтык саясат бөлүмүнүн башчысы Нургазы Анаркулов кызматтан бошотулду. Бул тууралуу президенттин басма сөз кызматы билдирди.
Нургазы Анаркулов мамлекеттик кызматка талапкер болуп жаткан адамдан маселени оң жагына чечип берүүнү убадалап акча талап кылууга шектелип 30-январда кармалган.
Ал аталган кызматка 2020-жылдын 30-октябрында дайындалган болчу.