БИШКЕК, 29-янв. — Sputnik. Баткенде ата-энеси миграцияда жүргөн балдардын саны такталып жатканын облустун ыйгарым укуктуу өкүлүнүн маалымат кызматы кабарлады.
Баткенде ата-энеси миграцияда жүргөн балдардын саны такталып жатканын облустун ыйгарым укуктуу өкүлүнүн маалымат кызматы кабарлады
© Фото / полпредство ПКР в Баткенской области
Ага ылайык, жергиликтүү бийлик, эмгек жана социалдык өнүгүү башкармалыгынын жана укук коргоо органдарынын кызматкерлеринен комиссия түзүлгөн. Учурда алар үймө-үй кыдырып иштеп жатат.
"Ата-эненин камкордугусуз, тагыраагы, ички жана тышкы миграцияда жүргөн жарандардын балдарын тактоо иштери жүрүп жатат. Мунун арасынан турмуштук оор кырдаалга же зордук-зомбулукка кабылган балдардын саны такталып, адистердин көзөмөлүнө алынат", — дешти өкүлчүлүктөн.
Мындай иш учурда облус боюнча жүрүп жатканын, анын жыйынтыгы менен мигранттардын балдарынын саны жана кимдер камкордукка алынары такталары кошумчаланды.