БИШКЕК, 28-янв. — Sputnik. "Аэрофлот" бир айга чейин эл аралык каттамдарын токтотот. Тизмеде Бишкек менен Ош да бар экенин авиакомпания өзү кабарлады.
Компания Кыргызстан менен алакасын 28-марттан 30-апрелге чейин токтотмокчу. Мындан тышкары, 86 ири шаарга да каттабай турган болду. Каттамдардын токтотулушу коронавирустук инфекциянын жайылышы менен байланыштуу экени айтылды.
"Буга чейин аталган рейстер боюнча авиакомпаниянын сайтынан же контакт-борбордон билет сатып алган жүргүнчүлөргө акчасы автоматтык түрдө кайтарылат. Ал эми билеттерди "Аэрофлоттун" сатуу кеңселеринен алгандар ошол жактарга кайрылышы керек", — деп айтылат маалыматта.
Брондоо боюнча бардык маалыматтарды "Аэрофлоттун" "Управление бронированием" бөлүмүнөн текшерип алууга болот.