БИШКЕК, 19-янв. — Sputnik. Якутскидеги өрт өчүрүүчүлөр эшикте -54 градус суук болуп турганда иштегендиктен, костюмдары тоңуп калган. Бул туурасында НТВ каналы маалымат таратты.
Видеодон тилсиз жоону жеңип, кеңсесине кайтканда башка кесиптештери алардын кийиминдеги муздарды балка менен чагып түшүрүп жатканын көрүүгө болот.
Андан сырткары, дагы бир өрт өчүрүүчүнүн башында каскасын каптап катып калган музду дагы бир кесиптеши жерге каккылап түшүрүп жатканы видеого түшүп калган.
Ал эми кызматкерлердин бири атайын кийимди жана курду толугу менен каптап калган муздан улам чече албай жатат. Өрт өчүрүүчүгө жардам берген кесиптештеринин күлкү аралаш аны тамашалап жаткандыгын угууга болот.
Телеканалдын маалыматына караганда, Якутскиде ал күнү суук -54 градуска жеткен.