БИШКЕК, 3-янв. — Sputnik. Окумуштуулар каны кайсы топко киргендердин иммунитети бекемирээк боло турганын аныкташты. Изилдөөнүн жыйынтыгы 2-январь күнү "Экономика сегодня" агенттигине жарыяланганын "Известия" басылмасы жазды.
Адистер жүргүзгөн изилдөөнүн жыйынтыгы боюнча, кандын тобу вирус жукканда адамдын организминде интерферонду иштеп чыгарууга таасирин тийгизет.
Интерферон — вирус, бактерияга каршы клеткадан бөлүнүп чыккан белок.
Вирус, бактерия жукканда каны IV топко кирген адамдардын организминде интерферон көбүрөөк бөлүнүп чыгат. Андан кийин иммунитети бекем адамдардын катарын I жана III топко киргендер толуктайт.
Ал эми каны II топко киргендердин организминде вирус жуккан учурда интерферон аз бөлүнүп чыгат да, алар бат ооруй турганы айтылды.