БИШКЕК, 28-дек. — Sputnik. Баткен облусунун үй-бүлөлүк дарыгерлер борборлоруна төрт Тез жардам унаасы тапшырылды. Бул тууралуу өкмөттүн аталган облустагы өкүлчүлүгү кабарлады.
Өкмөт тарабынан берилген унаалар Исфана шаарына, Лейлек районунун Кулунду, Баткен районунун Самаркандек, Кадамжай районунун Үч-Коргон дарыгерлер борборлоруна бөлүштүрүлгөн.
Унааларда бейтапка медициналык тез жардам көрсөтүү үчүн зарыл болгон бардык шарттар түзүлгөнү белгиленди. Жасалма дем алдыруучу ИВЛ аппараты да орнотулган.
Белгилей кетсек, облустук үй-бүлөлүк дарыгерлер борборунун эсебинде облус боюнча 44 тез жардам унаасы бар. Анын сегизи быйыл мамлекет тарабынан берилсе, тогузун демөөрчүлөр менен эл алып берген.