БИШКЕК, 23-дек. — Sputnik. Баткендин Сүлүктү шаарында "Ашымбай" (ЖЧК) шахтасы урап түшүп, ичинде калып калган бир киши изделүүдө. Бул тууралуу ӨКМ билдирди.
Куткаруучуларга билдирүү кечээ, 22-декабрь күнү, саат 10:40та түшкөн.
Кырсык болгон жерге Өзгөчө кырдаалдар министрлигинин №1 өзүнчө мобилдештирилген тоо-кен куткаруу взводунун 16 куткаруучусу, Тез жардам кызматынан бир бригада, ИИМден бир экипаж, шахта башчысы жана 20 жумушчусу тартылган.
Издөө иштери улантылууда.