БИШКЕК, 15-дек. — Sputnik. Кара-Балта шаарында турак үйдөн өрт чыкты.
Кырсыктын видеосу "Короче" Telegram-каналына жарыяланды.
ӨКМ маалыматты тастыктап, 15-декабрь күнү кечке маал аталган шаардагы Турар Кожомбердиев көчөсүндө жайгашкан турак үйдөн өрт чыкканын билдирди. Аны өчүрүүгө ӨКМдин үч куткаруучу бөлүмү тартылган.
"Өрт саат 18:43тө чектөөгө алынган. Учурда өрттү толук өчүрүү иштери жүргүзүлүп жатат", — деп айтылат маалыматта.
Алдын ала маалыматтар боюнча, кырсыктан жабыркагандар жок. Кошумча кабар берилери айтылды.