БИШКЕК, 13-дек. — Sputnik. Sputnik Кыргызстан маалымат агенттигинин жана радиосунун алып баруучусу Асылбек Бактыбеков KTRK SPORT AWARDS-2020 сыйлыгында "Жылдын мыкты спорт журналисти" аталды.
Алгач КТРК Спорт каналы ар бир номинация боюнча беш талапкерди тандап алып, күйөрмандардын добушуна койгон.
Беш талапкердин арасында эң көп добуш алып Sputnik Кыргызстан маалымат агенттигинин кабарчысы Гүлдана Талантбекова, Sputnik Кыргызстан радиосунун кабарчысы Асылбек Бактыбеков жана Жалал-Абад облустук телерадиокомпаниясынын кызматкери Маматкадыр Маматалиев финалга чыгышкан. Атайын түзүлгөн комиссиянын чечими менен Асылбек Бактыбеков "Жылдын мыкты спорт журналисти" аталган. Ал эми Гүлдана Талантбекова жана Маматкадыр Маматалиев атайын диплом менен сыйланышты.