БИШКЕК, 7-дек. — Sputnik. UFC Russia кыргызстандык спортчу Рафаэль Физиевдин кармашына анонс берди.
Анда "Матрица" фильминдеги башкы каарман Нео октон буйтап кеткен трюк көрсөтүлгөн. Бул ыкманы кыргызстандык мушкер 2017-жылкы турнирлердин биринде, андан кийин 2020-жылы июлда UFC Fight Island 2 учурунда жасаган.
Физиев бразилиялык Ренато Мойкано менен UFC Fight Night 184 турниринде Лаг-Вегаста 28-ноябрда беттешмек. Алардын жеңил салмактагы кармашы иш-чаранын башкы окуяларынын бири болмок эле. Бирок кыргызстандык спортчунун атаандашынан коронавирус табылгандыктан кармаш 12-декабрга жылдырылган.
Физиев акыркы беттешин июль айында UFC Fight Island 2 турниринин алкагында британиялык Марк Диакези менен өткөрүп, жеңип алган. Бул кармаш ошол кечтин эң таасирдүү кармашы деп аныкталып, кыргызстандык спортчу 50 миң долларлык бонуска ээ болгон эле.