БИШКЕК, 16-ноя. — Sputnik. Хирург-онколог, медицина илимдеринин кандидаты Михаил Мяснянкин рак илдетинин жалган белгиси менен чыныгы симптомун айырмалоодогу ыкма тууралуу айтып берди. Бул боюнча РИА Новости жазды.
Адистин айтымында, пациенттерге кээ бир учурда алдын ала эле рак туурасында диагноз коюп, бирок ал тастыкталбаган учурлар кездешет. Дарыгердин жаңылыш бүтүм чыгарышына онкомаркердин көбөйтүлгөн көрсөткүчү себепкер болот. Мындай ката жыйынтыкка кабылып калп жерден жүрөк үшүтпөйм десеңиз, бир нече адиске кайрылган жакшыраак болот.
"Кээде патоморфолог "шишиктин шеги бар" деп жазат. Албетте, пациент мындай диагнозду укканда жаман боло баштайт. Бул жерде кырдаалды туура баалоого экинчи адистин пикири жардамга келет. Ал таптакыр башка нерсени, залалсыз процесс туурасында айтышы мүмкүн", — деди Мяснянкин.
"Силерге туура дарылоону жазып, сунушталган иликтөөнү айтып берет, ал үчүн сөзсүз адистерге кайрылгыла", — дейт дарыгер.
Мяснянкин адамдарды "ден соолугум жакшы болбойт турат" деген ой менен шектенип, өзүнө-өзү диагноз коюудан алыс болууну катуу эскертти.