БИШКЕК, 10-ноя. — Sputnik. АКШнын башкы прокурору Уильям Барр бардык штаттардагы федералдык прокурорлорго президенттик шайлоодон кийин айтылып жаткан мыйзам бузуулар боюнча тыкыр иликтөө жүргүзүүнү тапшырды. Бул тууралуу Associated Press агенттигине шилтеме берип РИА Новости жазды.
"Айдан ачык же кандайдыр бир көңүл бурууну талап кылган мыйзам бузуулар болсо текшерилиши керек. Ошондой эле кайсы бир штатта шайлоонун жыйынтыгын өзгөртүп кое турган фактылар көз жаздымда калбасын", — деген Барр.
АКШ тарыхый этапта турат. Жапаров Байденди шайлоодогу жеңиши менен куттуктады
Эске салсак, 3-ноябрь күнү АКШ өзүнүн 46-президентин шайлады. Добуш берүүнүн жыйынтыгы менен мурдагы вице-президент Жозеф Байден жеңишке жетти. Ага 538 тандоочунун 290у өз добушун берген. Бирок Трамп жеңилгенин моюндабай, жактоочулары сотко арыз менен кайрылууда.
Мисалы, 9-ноябрь күнү Трамптын штабы Жоржия, Аризона жана Пенсильвания штаттарындагы добуштарды кайра саноо боюнча команда түзө турганы кабарланган. Ошондой эле бул жолку шайлоодо эбак эле өлүп калгандардын атынан добуштар берилгени маалым болот деген ишенимде.