БИШКЕК, 21-окт. — Sputnik. Жогорку Кеңештин депутаттары шайлоо мыйзамдарына өзгөртүү киргизүү жөнүндөгү мыйзам долбоорун биринчи окууда колдоду.
Бүгүн "Ала-Арча" мамлекеттик резиденциясында өткөн жыйында демилгечилердин бири Алтынбек Сулайманов баяндама жасады.
Натыйжада эл өкүлдөрү сунушталган мыйзам долбоорун колдоп берди. Алдыда дагы экинчи, үчүнчү окууда каралат.
Сулайманов: толкуган жаштар 120 депутатты да кошуп кууса болмок экен
Эгер мыйзам күчүнө кирсе:
- Парламенттик шайлоонун күрөөсү 5 миллион сомдон 1 миллион сомго түшүрүлөт;
- Босого чеги 7 пайыздан 3 пайызга төмөндөтүлөт;
- Шайлоо участкасын алмаштырууга шарт түзгөн №2 форма жокко чыгарылат. Анын жолу татаалдаштырылат;
- Шайлоого катышууга ниети бар мамлекеттик жана муниципалдык кызматкерлер жумуштан убактылуу гана четтетилбей, толугу менен кызматтан бошотулат.