БИШКЕК, 18-окт. — Sputnik. Абсолюттук мушкерлер уюмунун (UFC) жетекчилиги россиялык мушкер Хабиб Нурмагомедов менен америкалык Жастин Гэтжи катышкан турнирге көрүүчүлөрдү киргизүүнү пландап жатат. Бул тууралуу "Известия" спорт журналисти Бретт Окамотого шилтеме берип жазды.
"Абу-Дабинин Маданият жана туризм департаменти эмки жумада боло турчу UFC 254 турнирине азыраак санда кишини киргизүү сунушун жактырды", — деп жазган журналист Twitter баракчасында.
Хабиб Нурмагомедов: UFC уюмун берсе да Конор менен шоуга катышпайм
Анын айтымында, шаар бийлиги иш-чарага күйөрмандарды киргизүүнүн жол-жобосу боюнча иштеп жатат.
Эскерте кетсек, Нурмагомедов 24-октябрда Абу-Даби шаарында Гэтжи менен күч сынашат. Анда россиялык мушкер наамын үчүнчү ирет коргомокчу.