БИШКЕК, 11-окт. — Sputnik. Улуттук коопсуздук мамлекеттик комитети "Электр станциялары" ишканасынын мурдагы директору Салайдин Авазовду кармаганын билдирди.
Эске сала кетсек, Авазов 2019-жылы Бишкек ТЭЦин реконструкциялоодогу коррупцияга тийиштиги бар деп айыпталып, 11 жыл 3 айга эркинен ажыратылган. Ошондой эле мүлкү конфискацияланып, мамлекеттик кызматтарда үч жылга чейин иштебей турган болгон.
Фарид Ниязов ШИИБдин убактылуу кармоочу жайына киргизилди
Авазов 6-октябрга караган түнү абактан уруксатсыз бошотулгандуктан кайра кармалды.
"УКМК 11-октябрда ыкчам издөө иш-чараларынын натыйжасында 6-октябрга караган түнү түрмөдөн мыйзамсыз бошотулган "Электр станциялары" ААКтын мурдагы жетекчиси С.Авазовду кармады", — деп айтылат маалыматта.
Ал жазасын өтөө үчүн ЖАМКтын мекемесине алып келинери кошумчаланды.