БИШКЕК, 11-окт. — Sputnik. Өткөн суткада Кыргызстанда COVID-19 жуктуруп алгандардын ичинен үч жаран каза болду. Бул тууралуу Республикалык ыкчам штабдан билдиришти.
Көз жумгандардын бири Баткен облусунун, экөө Ош облусунун тургундары болгону айтылды.
Жалпысынан Кыргызстанда коронавирус жана пневмониядан каза болгондордун саны 1 085ке жетти.
Саламаттык сактоо министрлиги кыргызстандыктарды коронавирустан сактануу үчүн тиешелүү эрежелерди сактоо зарылдыгын улам айтып эскертип жатат.