БИШКЕК, 6-окт. — Sputnik. Президент Сооронбай Жээнбеков ушул тапта Бишкек шаарында. Бул тууралуу маалымат кызматынан билдиришти.
“Президент Жээнбеков Бишкек шаарында. Өлкө башчы саат 2.00гө чейин Ак үйдөгү кызмат ордунда иштеп жаткан. Бардык саясий күчтөр менен диалог кылган. Ал нааразычылык акциясын уюштургандардын акыл-эстүүлүгүнө ишенет”, — деди маалымат катчы Толгонай Стамалиева.
Эске салсак, 5-октябрь күнү Бишкек шаарынын борбордук бөлүгүндө парламенттик шайлоонун жыйынтыгына нааразы болгон эл митингге чыккан. Милиция аларга бир нече сааттан бери каршылык көрсөтүп, акыры митингчилер Жогорку Кеңештин имаратына басып киришти.