БИШКЕК, 12-сен. — Sputnik. Эки күндөн кийин, 14-сентябрда, өлкөдө музей менен китепканалар иштей баштайт. Бул тууралуу Маданият, маалымат жана туризм министрлиги билдирди.
Буга байланыштуу иш-аракеттердин алгоритми иштелип чыгып, Саламаттык сактоо министрлиги менен макулдашылган. Анда коронавирус инфекциясынын жайылышын алдын алуу боюнча сунуштамалар камтылган.
Жалал-Абад, Баткенге ички каттамдар жанданат
Белгилей кетсек, коронавируска байланыштуу өлкөдө көп адамдын катышуусундагы иш-чараларга жана мекемелердин иштешине тыюу салынган.
Учурда Кыргызстанда COVID жуктуруп алгандардын жалпы саны 44 828 болсо, анын 40 779у айыгып чыкты. Тилекке каршы, 1063 киши каза тапты.