БИШКЕК, 31-авг. — Sputnik. Чүй облустук жол кыймылы коопсуздугун камсыздоо башкармалыгы (ЖКККБ) окуу жылынын башталганына байланыштуу жол белгилерин жаңыртат. Бул тууралуу ведомстводон билдиришти.
Ишке облус аймагында жол кызматтары жардам берет.
"Негизги максат — балдардын жол кырсыктарына кабылып, өмүрүнө жана ден соолугуна коркунуч жаралышын алдын алуу. Андыктан мектептердин жанындагы белгилерге өзгөчө көңүл бурулат", — деп айтылат билдирүүдө.
1-класстын окуучуларын мектепке жана үйгө ташуу каралууда
Ошондой эле жакын арада зарыл богон жерлерге окуучулар атайын баскычын басып, жашыл жарыкты күйгүзүп ала турган жол чырактар коюлары кошумчаланды.