БИШКЕК, 16-авг. — Sputnik. Башкыртстандын саламаттык сактоо министринин орун басары Евгений Кустов брифингде Кыргызстанга кандай жардам көрсөтүлгөндүгүн айтып берди.
Ал россиялык дарыгерлер Кыргызстанга 23-июлда келип, медициналык 21 жайда "эпидемияга каршы режимди калыптандыруу боюнча" иштегендигин эске салды.
"Биз кыргызстандык дарыгерлер менен ийиндеше туруп кызыл зонага кирип, тажрыйба алмашууларды жүргүздүк. Биздин милдет — эпидемияга каршы режимди калыптандыруу эле. Бул биринчи иретте медицина кызматкерлеринин COVID жуктуруп алып, катардан чыгып калбашы үчүн жасалды", — деди Кустов.
Россия дарыгерлери кыргызстандык жаш медиктерге таң берди
Ал төрт миңден ашуун бейтапты кабыл алып, алардын ичинен жүздөгөн адам айыгып чыккандыгын айтты.