БИШКЕК, 14-авг. — Sputnik. Кыргызстанда сентябрдын аягына чейин дары каражаттарынын стратегиялык запасын толтуруу пландалып жатат. Бул тууралуу Мамлекеттик материалдык резервдер фондунун стратегиялык анализ, мамлекеттик сатып алуулар жана тышкы байланыш бөлүмүнүн башчысы Чыңгыз Наинбаев билдирди.
Ал социалдык тармак аркылуу жыйын курган. Учурда керектүү препараттарды сатып алуу иштери жүрүп жатат.
Бир айда даяр болсун! Боронов жылытуу мезгилине даярдык боюнча талап койду
"Коронавирустун болжолдонуп жаткан экинчи толкунуна даярдык көрүү үчүн Мамлекеттик материалдык резервдер фонду менен Саламаттык сактоо министрлигине дары-дармек сатып алуу тапшырылган. Комиссия түзүлүп, коронавирус жуктурган 15 миң бейтапка эсептелген препараттардын позициясы аныкталды. Учурда сатып алуу жүрүп жатат. Сентябрдын аягына чейин препараттардын стратегиялык запасын толтуруу пландалууда", — деди Наинбаев.
Буга чейин өкмөт башчы Боронов COVID-19дун экинчи толкунуна даярдыктар тууралуу кенен айтып берип, анда вакцина тууралуу дагы кеп кылган.