Пробация органдары эми ыктыярчыларды кызматташууга чакырат. Алар ар кайсы багыттар боюнча кабыл алынат. Бул тууралуу Руслан Романов Sputnik Кыргызстан радиосунана маек куруп жатып билдирди.
Анын айтымында, ар бир ыктыярчы 10дон ашпаган пробация кардары менен иштеше алат.
"Пробация органдары ыктыярчыларды катарына тартат. Бул боюнча атайын буйрук бар. Анын негизинде ыктыярчылар түрдүү багыттар боюнча биз менен иштеше алат. Мисалы, ошол эле психологдор ыктыярчы болуп пробация органдары менен кызматташса болот. Мындан сырткары, кардарга жумуш же окуу курстарын табууда ыктыярчылардын жардамы керектелет. Айтор кайсы гана тармак болбосун, пробация кардарын андан ары кылмыш дүйнөсүнө азгырылып кетпөөгө, туура жашоого үндөгөн бардык иш-аракеттерде өз жардамын аябаган ыктыярчылар менен иштешүүгө даярбыз", — деди Романов.
Молдокул уулу: пробация кардарлары санитардык кызматтарды аткарууда
Ал ыктыярчылар менен кызматташуу боюнча Юстиция министрлигинин биринчи буйругу ушул жылдын 15-июнунда жарык көргөнүн кошумчалады.