БИШКЕК, 28-июл. — Sputnik. Курман айт намазы аянттарда жана мечиттерде окулбайт. Бул тууралуу муфтияттын маалымат кызматы кабарлады.
Эске салсак, быйыл Курман айт майрамы 31-июлга туш келди.
Курман айт быйыл кантип белгиленет? Муфтияттын 7 сунуштамаcы
"Өлкөдө коронавирустун жайылуу коркунучу бүтө электигин эске алып, илдеттин мындан ары күчөп кетүүсүнө жол бербөө максатында ушундай чечим кабыл алынды. Туура түшүнүү менен кабыл алып, берекелүү Курман айт майрамын жалпы үй-бүлөбүз менен үйдө майрамдайлы", — деп айтылат маалыматта.
Буга чейин муфтият Курман айт намазы окулбай калганда курмандыкты эртең менентен тарта чала берсе болорун билдирген.