БИШКЕК, 24-июл. — Sputnik. Токмок шаарында мас айдоочу короонун дубалын сүзүп, жер төлөдөгү тигүү цехинин терезесине барып кептелип калган. Бул туурасында Чүй облустук жол кыймылы коопсуздугун камсыздоо боюнча башкармалыктан кабарлашты.
Автокырсыктын видеосу "Короче" Telegram-каналына жарыяланган.
Ысык-Көлдө жеңил автоунаа менен кагышкан комбайн оодарылып калды. Сүрөттөр
"Окуя бүгүн болжол менен саат 6:00дөр чамасында болду. 36 жаштагы айдоочу мас болуп Volkswagen Passat автоунаасын башкара албай, короону сүзүп, андан кийин жер төлөнүн терезесине жарымысына чейин кирип кеткен. Бактыга жараша, эч ким жабыркаган жок", — деп билдиришти милициядан.
Тартип сактоочулар аталган автокырсык боюнча протокол түзүлүп, автоунаа айып короого токтотулгандыгын айтышты.