БИШКЕК, 22-июл. — Sputnik. Биринчи вице-премьер Алмазбек Баатырбеков азык-түлүк коопсуздугун камсыздоо жана айыл чарба иштери боюнча видеоконференция форматында кеңешме өткөрдү. Бул тууралуу өкмөттөн кабарлашты.
Айыл чарба, тамак-аш өнөр жайы жана мелиорация министрлиги менен Мамлекеттик материалдык резервдер фондунун жетекчилери баяндама жасаган.
Баатырбеков белгилегендей, эпидемиологиялык кырдаалга карабастан, айыл чарба иштери өз учурунда жүргүзүлдү. "Айыл чарбаны колдоого алуу — 8" программасынын алкагында кредит берүү шарттары жеңилдетилип, учурда 8 106 фермер 4 миллиард 65 миллион сом насыя алган.
Өкмөт коммерциялык банктарга 4,2 млрд. сом бөлдү. Программанын максаты
"Натыйжада үстүбүздөгү жылдын январь-июнь айында айыл чарба продукциясынын дүң өндүрүмү 64 миллиард 646,4 миллион сомго барабар болгон. Ошол эле учурда тармактык мамлекеттик органдар тарабынан иш жетишсиз деңгээлде жүргүзүлүүдө. Маселен, жакшы түшүм алуу үчүн сапаттуу үрөн керек. Айыл чарба министрлиги болсо аны менен камсыздоо боюнча тийиштүү ишти алып барган эмес. Экинчи маселе сугат суу менен камсыздоого тийиштүү", — деген Баатырбеков.
Биринчи вице-премьер күз мезгилинде түшүм жыйноону өз мөөнөтүндө жана сапаттуу өткөрүүнү белгилеген. Ошондой эле тармактык органдардын жетекчилери күз-кыш мезгилинде азык-түлүк коопсуздугун камсыздоо үчүн жеке жоопкерчилик ала тургандыгын эскерткен.
Казына менен капчык бош, бирок өлкөдө акча көп. Эки ача көрүнүшкө сереп
Ал эми Ветеринардык жана фитосанитардык коопсуздук боюнча мамлекеттик инспекцияга мал чарба продукциясынын сапатын жакшыртуу, бул тармактагы кызматтардын ишин күчөтүү жана ветеринардык экспертиза боюнча лабораторияларды тартипке келтирүү тапшырылган.