БИШКЕК, 24-июн. — Sputnik. Жогорку Кеңештин депутаттары бүгүн бир нече сааттын ичинде 24 мыйзам долбоорун карап, жактырып коюшту. Бул тууралуу Twitter баракчасына эл өкүлү Дастан Бекешев жазды.
"Түшкө чейин 24 мыйзам долбоору каралып, жактырылды. ТВ, түз эфирсиз көбүнүн чыгып сүйлөгүсү келген жок", — деп жазган Бекешев.
Эскерте кетсек, депутаттардын жыйыны дистанттык түрдө өтүп жатат. Себеби эки эл өкүлүнөн жана ЖК аппаратынын үч кызматкеринен коронавирус табылган. Парламенттин маалымат кызматы да аралыктан иштөөгө өттү.