Россиянын борборундагы Жеңиш парады 24-июнга белгиленген болчу. Парадды Россиянын Кургактагы аскерлеринин башкы командири Олег Салюков башкармакчы.
Салтанаттуу иш-чарага катышуу үчүн ар кайсы өлкөлөрдөн аскерлер барышкан. Алардын арасында кыргызстандык жоокерлер дагы бар.
Бүгүн президент Сооронбай Жээнбеков дагы Улуу Ата Мекендик согуштагы Жеңиштин 75 жылдыгын майрамдоого арналган иш-чараларга катышуу үчүн Москвага учуп кетти.
Жээнбеков Москва шаарындагы Кызыл аянтта өтүүчү аскер парадына, ошондой эле Кремль дубалындагы белгисиз жоокердин күмбөзүнө гүлчамбар коюу аземине катышат.