БИШКЕК, 16-июн. — Sputnik. Бишкекте балдар ойногон батуттарга, ижарага велосипед берген жайлардын иштешине жана жайма базарларга тыюу салынды. Бул туурасында мэриядан кабарлашты.
Мындай чектөө иштери учурдагы эпидемиологиялык кооптуулуктан улам киргизилүүдө.
Бул жаатта иштеп жаткандар ишин коронавирус боюнча абал салыштырмалуу жакшырып калгандан кийин кайрадан улантса болот. Азыр Саламаттык сактоо министрлиги, Республикалык штаб оорунун жайылып кетпеши үчүн чектөө, сактануу чараларын күчөтүүнү айтып жатат.
Эгерде жогорудагы тартипти бузгандар болсо, Эреже бузуулар кодексинин 293-беренесинин негизинде 3000 сом айыпка жыгылат. Ал эми юридикалык талаптар 13 миң сом төлөөгө аргасыз болот.
Кыргызстанда коронавирус жуктургандардын жалпы саны 2472ге жетип, анын 1847си айыкты. Тилекке каршы, 28 адам дал ушул вирустун кесепетинен көз жумду.