Калаанын 6-кичи районундагы Юнусалиев менен Сухэ-Батор көчөлөрүнүн кесилишинде өрт чыкканы туурасында маалымат саат 15.48де түшкөн. Жеринде өрт өчүрүүчү алты бригада иштеп, бир саатта жалын чектөөгө алынды.
Күлгө айланган имараттын ичинен бир адамдын сөөгүн алып чыгышты. Анын ким экени такталууда. Өзгөчө кырдаалдар министрлигинин маалыматы боюнча, коомдук тамактануучу жай менен дарыкана күйгөн. Күбөлөр жалын жанындагы күркөлөргө дагы жармашканын айтууда.
Кырсыктын келип чыгуу себеби такталууда, бирок алдын ала божомол боюнча, өрт газ баллондун жарылуусунан улам чыккан.