БИШКЕК, 8-июн. — Sputnik. Жогорку Кеңештин депутаты Руслан Чойбеков мөөнөтүнөн мурда депутаттык мандатын тапшырды. Бул тууралуу Борбордук шайлоо комиссиясы билдирди.
Маалыматка ылайык, эртең, 9-июнда, БШКда анын ыйгарым укуктарын мөөнөтүнөн мурда токтотуу маселеси каралат.
Руслан Чойбеков "Кыргызстан" партиясынын тизмеси менен 2018-жылдын апрель айында мандат алган. Ал Алматыда контрабанда иштери боюнча соттолгон Дамирбек Асылбек уулунун ордуна келген болчу.
Жакында эле "Кыргызстан" фракциясынын депутаттары Алмазбек Эргешов менен Жаныбек Исаев мандатын тапшырган. Алар мындан ары партиясынын күчүн бекемдеп, шайлоого даярдык көрө турганын айтышкан.