БИШКЕК, 7-июн. — Sputnik. 8-июнда республика боюнча мезгил-мезгили менен жаан жаап, күн күркүрөшү, бийик тоолуу райондордо кар жаашы күтүлөт. Бул тууралуу Кыргызгидромет агенттиги билдирди.
Маалыматка ылайык, Ысык-Көл менен Нарын облустарында жана өлкөнүн түштүк аймактарында жаан-чачын катуу жаашы мүмкүн. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге чейин жетет.
Абанын температурасы Чүй, Ош, Баткен жана Жалал-Абад облустарында +22…+27, Таласта +21…+26, Ысык-Көл менен Нарын жергесинде +17…+22 градус жылуу болот.
Ал эми Бишкек жана Ош шаарларында жаан жаап, күн күркүрөйт. Абанын температурасы баш калаада +24…+26 градуска чейин жетсе, Ошто күндүн табы +25…+27 градуска дейре көтөрүлөт.