БИШКЕК, 14-май — Sputnik. Бүгүн, 14-майда, Бишкекке Япония менен Кореядан Кыргызстандын 43 жараны учуп келгенин Тышкы иштер министрлигинин маалымат кызматы билдирди.
Ага ылайык, сырттан келген мекендештер медициналык жайлардын бирине обсервацияга жаткырылды.
Белгилей кетсек, бул коронавирус пандемиясынан улам эл аралык аба каттамдарынын токтотулушуна байланыштуу чет мамлекеттерде калган жарандарды кайтаруу ишинин алкагында уюштурулган. Аны президенттин тапшырмасы менен ТИМ аткарууда.
Чет мамлекеттерде жүргөн жарандарды кайтаруу иштери уланып жатканы кошумчаланды.
Бүгүн эртең менен Катар менен Кувейт мамлекетинен да 107 кыргызстандык кайтып келген болчу.