БИШКЕК, 28-апр. — Sputnik. Бүгүн Екатеринбургдан 157 кыргызстандык Бишкекке алып келинди. Бул туурасында Республикалык штаб билдирди.
Мекендештер “Урал аба жолдору” авиакомпаниясынын чартердик каттамы менен келип, “Манас” эл аралык аэропортуна конду.
Жеке коргонуу каражаттарын колдонууда бардык коопсуздук чаралары сакталып, келген жүргүнчүлөр аба майдандын перронунда тейленип, андан ары обсервацияга жөнөтүлөт. Ал жайда коронавирустан анализи чыкканга чейин болот.
Коронавирустун кесепети
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.
Кабарларды ыкчам, ыңгайлуу шартта окуу үчүн Telegram каналыбызга баш багыңыз.