БИШКЕК, 24-апр. – Sputnik. Коронавирус жуктуруп алгандардын катарында прокуратура кызматкери дагы бар. Ал дагы деле реанимацияда жатат. Бул тууралуу саламаттык сактоо министринин орун басары Нурболот Үсөнбаев билдирди.
Эске салсак, буга чейин укук коргоо органдарынын 12 кызматкери COVID-19 илдетине кабылганы айтылган. Мындан сырткары, ЖМКлар Жайыл райондук прокуратурасынын 32 жаштагы кызматкери 19-апрелде ооруканага жаткырылганын жазышкан. Маалыматка караганда, аны менен кошо жубайы дагы илдетке кабылган.
“Прокурор реанимацияда дарыланып жатат. Биздин дарыгерлер айыктырат деп ишенип турабыз”, — деди Үсөнбаев.
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.
Кабарларды ыкчам, ыңгайлуу шартта окуу үчүн Telegram каналыбызга баш багыңыз.