БИШКЕК, 24-апр. — Sputnik. Бүгүн, 24-апрелде, Кыргызстандын эмгек сиңирген илимий ишмери, белгилүү юрист Карпек Курманов 92 жаш курагында көз жумду. Бул тууралуу Юстиция министрлигинен билдиришти.
Кыргызстандын тунгуч юристи Карпек Курманов дүйнө салды
Карпек Курманов Кыргызстандын биринчи юристи болуп, кыргыз юридикалык илиминин башында турган.
"Карпек Шамсединович эгемендүү Кыргызстандын бир катар мыйзамдарын иштеп чыгууга катышкан. Юридикалык илимдин өнүгүшүнө жана кадрларды даярдоого кошкон салымы үчүн мамлекеттик сыйлыктарга татыган, үчүнчү даражадагы "Манас" ордени дагы берилген. Карпек Курманов ар бир юристтин эсинде түбөлүк сакталат", - деп айтылат министрлик тараткан маалыматта.
Юстиция министрлиги маркумдун жакындарына терең кайгыруу менен көңүл айтат.