БИШКЕК, 22-апр. — Sputnik. Апрелдеги сууктан улам өлкөнүн агрардык сектору дээрлик 301 миллион сом зыян тартты. Бул тууралуу айыл чарба, тамак-аш өнөр жайы жана мелиорация министри Эркинбек Чодуев брифинг учурунда билдирди.
Эске сала кетсек, Кыргызстанда 8-9-апрель күндөрү жаан, айрым жерлерде кар жаап, үшүк жүргөн.
"Жалал-Абад, Баткен жана Чүй облустарында 2020-жылдын 8-9-апрелинде жүргөн үшүк агрардык секторго олуттуу зыян келтирди. Алдын ала маалыматтар боюнча, чыгаша 301 миллион 433 миӊ сомду түздү", — деген Чодуев.
Ал буга чейин чыгым эсептелип жатканын айтып, аба ырайынын бузулушу дан эгиндерине зыянын тийгизбей турганын айткан.